ހއ. އުތީމުގެ މަތިން ނަގާފައިވާ ފޮޓޯއެއް. މިއީ ރީތި މޫދަކާއި ދޮންވެލިގަނޑެއް އޮންނަ ރަށެއް. ހއ. އުތީމު. -- ފޮޓޯ: އަބްދުﷲ އައުރާފް/މިހާރު

ހއ. އުތީމުގައި މޫދުގައި ކަސްރަތު ކުރަން ތިބި ބަޔަކަށް އިންސްޓްރަކްޓަރު އިރުޝާދު ދެނީ. -- ފޮޓޯ: އަބްދުﷲ އައުރާފް/މިހާރު

ހއ. އުތީމުގައި ހުންނަ ގަނޑުވަރު. މިއީ ޕޯޗުގީޒުންގެ އަތްދަށުން ރާއްޖެ ސަލާމަތްކުރުމުގެ ޖިހާދުކުރެއްވި ބޮޑުތަކުރުފާނާއި އެ މަނިކުފާނުގެ އާއިލާ އުޅުއްވި ގެކޮޅު. މިތަނަށް 500 އަހަރަށް ވުރެ ގިނަ ދުވަސް ވެއްޖެ. -- ފޮޓޯ: އަބްދުﷲ އައުރާފް/މިހާރު

ހއ. އުތީމުގައި ހުންނަ، ޕޯޗުގީޒުންގެ އަތްދަށުން ރާއްޖެ ސަލާމަތްކޮށްދެއްވި ބޮޑުތަކުރުފާނާއި އެ މަނިކުފާނުގެ އާއިލާ އުޅުއްވި ގެކޮޅު، އުތީމު ގަނޑުވަރުގެ މަތިން ފެންނަ ގޮތް. -- ފޮޓޯ: އަބްދުﷲ އައުރާފް/މިހާރު

ހއ. އުތީމު ގަނޑުވަރު ކައިރީގައި ހަދާފައި ހުރި އަށިތަކެއް އަދި އެ ރަށު ތެރެއަށް އަރައިގެން ދާން އޮންނަ މަގެއް. -- ފޮޓޯ: އަބްދުﷲ އައުރާފް/މިހާރު

ހއ. އުތީމު އަތިރިމަތީގައި ހުންނަ، ހިމާޔަތްކޮށްފައިވާ ކާނިގަސް. މިއީ ޕޯޗުގީޒުންގެ އަތްދަށުން ރާއްޖެ ސަލާމަތްކުރެއްވި ބޮޑުތަކުރުފާނު ފޭލިކޮޅު ވިޔުއްވުމުގެ މަސައްކަތުގައި ބިމަށް ޖެއްސެވި ކަޑައެއް ރޯވެ ހެދިގެން ބޮޑުވެފައިވާ ގަހެއް ކަމަށް ބުނެވޭ. -- ފޮޓޯ: އަބްދުﷲ އައުރާފް/މިހާރު

ހއ. އުތީމު. -- ފޮޓޯ: އަބްދުﷲ އައުރާފް/މިހާރު

ހއ. އުތީމު ރަށު ތެރޭގެ މަންޒަރެއް. ރަށުގައި ބަނދަރު ހެދި ފަހުން ވިޔަފާރިތައް އަންނަނީ ފުޅާވެ ތަރައްގީވަމުން ކަމަށް ރަށު ކައުންސިލުން ބުނޭ. -- ފޮޓޯ: އަބްދުﷲ އައުރާފް/މިހާރު

ހއ. އުތީމު ބަނދަރުމަތީ ހަދާފައިވާ ކަޅުއޮއްފުންމި ބިނާ. މިއީ އުތީމު ބޮޑުތަކުރުފާނުގެ ގައުމީ ޖިހާދުގައި ބޭނުންކުރެއްވި އޮޑިކޮޅު ރަމްޒުކޮށްދޭ ބިނާއެއް. -- ފޮޓޯ: އަބްދުﷲ އައުރާފް/މިހާރު

ހއ. އުތީމު ޣާޒީ ބަންޑާރައިން ސްކޫލުން ދަރިވަރުންތަކެއް ނިކުންނަނީ. -- ފޮޓޯ: އަބްދުﷲ އައުރާފް/މިހާރު