މާލެ: އޮކްޓޯބަރު 21، 2018- މިދިޔަ މަހުގެ 23 ގައި ބޭއްވި ރިޔާސީ އިންތިޚާބު ބާތިލް ކޮށްދިނުމަށް އެދިވަޑައިގެން ޕީޕީއެމްގެ ކެންޑިޑޭޓު ރައީސް އަބްދުﷲ ޔާމީން ސުޕްރީމް ކޯޓަށް ހުށަހެޅުއްވި މައްސަލަ އެމަނިކުފާނާ ދެކޮޅަށް ނިމުމުން، އިދިކޮޅު ކޯލިޝަން އަދި އިންތިޚާބީ ރައީސް އިބްރާހިމް މުހައްމަދު ސޯލިހް (އިބޫ) އަށް ވޯޓު ދިން 134،000 މީހުންނަށް ވަނީ ބޮޑު އުފަލެއް މިއަދު ލިބިފައި. ރައީސް ޔާމީން 38،000 ވޯޓުގެ ތަފާތުން ބޮޑު ބައްޔަކުން ބަލިވެފައިވާއިރު، އިންތިޚާބު ބާތިލް ކުރާ ވަރުގެ ކަމެއް އެމަނިކުފާނުގެ ފަރާތްޕުޅުން ދެއްކިފައި ނެތް ކަމަށް ސުޕްރީމް ކޯޓުން ވަނީ ކަނޑައަޅާފައި. ސުޕްރީމް ކޯޓުގެ ހުކުމް އިއްވުމާ އެކު، އިދިކޮޅު ކޯލިޝަންގެ ސަޕޯޓަރުން ވަނީ އެ ކޯޓު ކައިރީގައި އުފާފާޅުކޮށްފައި.---ފޮޓޯތައް: ހުސައިން ވަހީދު އަދި ނިޝާން އަލީ/މިހާރު

މާލެ: އޮކްޓޯބަރު 16، 2018- މިދިޔަ މަހުގެ 23 ގައި ބޭއްވި ރިޔާސީ އިންތިޚާބު ބާތިލްކޮށްދިނުމަށް އެދިވަޑައިގެން، ޕީޕީއެމްގެ ކެންޑިޑޭޓު ރައީސް އަބްދުﷲ ޔާމީން ސުޕްރީމް ކޯޓަށް ހުށަހެޅުއްވި މައްސަލައިގެ ޝަރީއަތުގެ ފަހުގެ އަޑުއެހުން: މިއަދުގެ އަޑުއެހުން ކުރިއަށް ދިޔަ ވަގުތު ރައީސް ޔާމީނަށް ސަޕޯޓުކުރާ ފަރާތްތަކާއި އިންތިހާބުގެ ދިފާއުގައި އިދިކޮޅު ސަޕޯޓަރުން ސުޕްރީމް ކޯޓު ސަރަހައްދަށް އެއްވެ އަޑުއުފުލާފައިވޭ.---ފޮޓޯތައް: ނިޝާން އަލީ/މިހާރު