ނުރައްކާތެރި ކުށްވެރިން ކަމަށް ބެލެވޭ ނުވަ މީހެއްގެ މައްޗަށް މޮނިކޮން އަމުރު ހައި ކޯޓުން ނެރެދިން ނަމަވެސް އޭގެ ތެރެއިން ހަތަރު މީހެއްގެ މައްޗަށް އަމުރު ތަންފީޒް ނުކުރެވޭ ކަމަށް ފުލުހުން ބުނެފި އެވެ.
ހައި ކޯޓުން ނުވަ މީހެއްގެ މައްޗަށް މޮނިކޮން އަމުރު ނެރުނީ މިދިޔަ ބުދަ ދުވަހު އެވެ. އެނގިފައިވާ ގޮތުގައި އެނގިފައިވާ ގޮތުގައި ހުކުމް ތަންފީޒް ކުރެވިފައި ނުވަނީ އުޅޭ ތަނެއް ނޭނގޭ މީހުންގެ މައްޗަށެވެ.
ފުލުހުންގެ ތަރުޖަމާން އަހަމަދު ޝިފާން ވިދާޅުވީ މިހާތަނަށް އަމުރު ތަންފީޒު ކުރަމުން އަންނަނީ ފަސް މީހެއްގެ މައްޗަށް ކަމަށާއި ދެން ތިބި ހަތަރު މީހުންގެ މައްޗަށް އަމުރު ތަންފީޒު ކުރަން ކުރަން ޖެހޭ މަސައްކަތް ކުރަމުން އަންނަ ކަމަށެވެ.
މޮނިކޮން އަމުރުގެ ދަށުން ކުށްވެރިން މޮނީޓާ ކުރުމަށް އެމީހުންގެ ފައިގަ ޓެގު އެޅުވުމުގެ ހުއްދަ ލިބެ އެވެ. ނަމަވެސް ހޯމް މިނިސްޓްރީ އާއި ފުލުހުން އެކަމަށް ތައްޔާރުވެފައި ނުވާތީ އަދި ޓެގް އެޅުވޭގޮތެއް ނުވެ އެވެ.
