ބ. އޭދަފުށީގައި ހިނގި ނުރައްކާތެރި އެކްސިޑެންޓެއްގައި އަނިޔާވި ދުވަސްވީ މީހަކަށް ފަރުވާދެމުންދަނިކޮށް މަރުވެއްޖެ އެވެ.
މި މަހުގެ 15 ވަނަ ދުވަހު ހިނގި އެކްސިޑެންޓްގައި އަނިޔާވެގެން ފަރުވާދެމުންދަނިކޮށް މަރުވީ އޭދަފުށީ، ސީސަންގޭ، އަބްބޫކަރު އަބްދުالله އެވެ.
އުމުރުން 83 އަހަރުގެ އަބޫބަކުރު މަރުވެފައިވަނީ އައިޖީއެމްއެޗްގެ އައިސީޔޫގައި ފަރުވާދެމުންދަނިކޮށް މިއަދު ހެނދުނު އެވެ. އޭނާގެ ކަށު ނަމާދު ކުރަން ހަމަޖެހިފައިވަނީ މިއަދުގެ އަސުރު ނަމާދަށް ފަހު އެވެ.
އަބޫބަކަރަށް ސީރިއަސް އަނިޔާތަކެއްވި އެކްސިޑެންޓު ހިނގީ އޭނާ މަޣްރިބު ނަމާދަށް ފަހު، އަސާގަނޑެއްގެ އެހީގައި މަގުމަތީ ހިނގާފައި ދަނިކޮށް ޕިކަޕެއްގައި ޖެހިގެންނެވެ. އެ ޕިކަޕްގައި އޭނާ ޖެހި، އޭގެ ދަށުވެ ވަރަށް ބޮޑެތި އަނިޔާތަކެއް ލިބުނެވެ.
ޕިކަޕްގެ ދަށުން އޭނާ ނެރެ، ބ. އަތޮޅު ހޮސްޕިޓަލްގައި ފަރުވާދިނުމަށް ފަހު، ހާލު ސީރިއަސްވެ އިތުރު ފަރުވާއަށް މާލެ ގެނައީ އެވެ.
މި އެކްސިޑެންޓް ހިނގަން މެދުވެރިވި ޕިކަޕް ދުއްވި މީހާ ވަނީ ހައްޔަރުކޮށްފަ އެވެ. އަދި މައްސަލަ ފުލުހުން އަންނަނީ ތަހުގީގު ކުރަމުންނެވެ.