ކ. ތިލަފުށީ ވޯކް ސައިޓެއްގައި މަސައްކަތްކުރާ ބިދޭސީއަކު ގެއްލިގެން ހޯދަމުން ދަނިކޮށް އޭނާ މަރުވެފައި އޮއްވާ ފެނިއްޖެ އެވެ.
އެނގިފައިވާ ގޮތުގައި މަރުވެފައި އޮއްވާ ފެނުނީ ބަންގްލަދޭޝްގެ ފިރިހެނެކެވެ.
ފުލުހުން ބުނީ ތިލަފުށީ ސައިޓެއްގައި މަސައްކަތްކުރާ ބިދޭސީއަކު ހޯމަ ދުވަހު ގެއްލިފައިވާ މައްސަލައެއް ފުލުހަށް ރިޕޯޓުކުރީ އިއްޔެ ކަމަށެވެ.
ފުލުހުން މިރޭ ބުނި ގޮތުގައި ގެއްލިގެން ހޯދަމުންދިޔަ ބިދޭސީ މީހާ މަރުވެފައި އޮއްވައި ވަނީ ފެނިފަ އެވެ. އެކަމަކު އޭނާ ފެނުނީ ކޮންތަނަކުން ކަމެއް އަދި އެކަމުގައި ޝައްކުކުރެވޭ ކަންތައްތަކެއް ހުރި ކަމެއް އަދި ފުލުހުން ހާމައެއް ނުކުރެ އެވެ.