ދިރާގު ފިންޓެކް އިން ބައިލައްކަ ރުފިޔާ ހުށަހަޅައިގެން ކުރިއަށް ގެންދިޔަ ޕްރޮމޯޝަންގެ ނަސީބުވެރިޔާ ހޮވައިފި އެވެ.
މި ޕްރޮމޯޝަންގެ ނަސީބުވެރިއަކަށް ހޮވުނީ މުހައްމަދު އިބްރާހިމެވެ. ދިރާގު ހެޑް އޮފީހުގައި އޮތް ހާއްސަ ރަސްމިއްޔާތެއްގައި އޭނާއާ ފައިސާގެ އިނާމު ވަނީ ހަވާލުކޮށްފަ އެވެ.
ދިރާގު ފިންޓެކްގެ އެ ޕްރޮމޯޝަންގެ ނަސީބުވެރި ފަރާތް ހޮވީ ދިރާގުޕޭއަށް ރަޖިސްޓަރީކޮށްފައިވާ އަދި އަލަށް ރަޖިސްޓަރީކުރި ކަސްޓަމަރުންގެ މެދުގައި ނެގި ގުރުއަތުންނެވެ.
މި ޕްރޮމޯޝަނަށް އާއްމުންގެ ބޮޑު ތަރުހީބެއް ލިބުނު ކަމަށް ދިރާގު ފިންޓެކުން ބުންޏެވެ.
ދިރާގުޕޭ އީ-ވޮލެޓުން ލިބޭ ހިދުމަތްތަކުގެ ތެރޭގައި، ބިލް ސްޕްލިޓިން، ސަބް ވޮލެޓް، ޕިއާ-ޓު-ޕިއާ ޓްރާންސްފާ، ފަވަރަ ޓްރާންސްފާ އަދި ބިލަށް ފައިސާދެއްކުން ފަދަ އެކި ހިދުމަތްތައް ލިބެ އެވެ.