ރޯދަ މަހަށް ހާއްސަކޮށް "ރަމަޟާން ޝޮޕް އެންޑް ވިން"ގެ ނަމުގައި އެލިއާ ސްޓޯރުން ހާއްސަ ޕްރޮމޯޝަނެއް ފަށައިިފި އެވެ.
މި ޕްރޮމޯޝަނުގައި 500ރ. އިން މަތީގެ ވިޔަފާރި ކުރާ މީހުންގެ ތެރެއިން ނަސީބުވެރި އެކަކަށް ކޮންމެ ހަފުތާއަކު ވެސް އަގުހުރި އިނާމެއް ލިބޭނެ އެވެ. މި ޕްރޮމޯޝަނުގެ ފުރަތަމަ ހަފުތާއަށް ހުށަހަޅާފައި ވަނީ ބަދިގެ ސާމާނު ހިމެނޭ ޕެކެކެވެ.
މި ޕްރޮމޯޝަނުގައި ކޮންމެ ހަފުތާއަކު ވެސް ލިބޭނެ އިނާމު އެލިއާ ސްޓޯރުގެ ސޯޝަލް މީޑިއާ ޕޭޖުގައި އިއުލާންކުރާނެ އެވެ.
ލަކުޑި އާއި ހާޑްވެއާގެ ވިޔަފާރިން ފެށި އެލިއާ ސްޓޯރަކީ އިމާރަތްކުރުމުގެ މަސައްކަތްތަކަށް ބޭނުންވާ ފެންވަރު ރަނގަޅު އާލާތްތައް ލިބެން ހުންނަ ތަނެކެވެ. އެތަނުން ޕަވާ ޓޫލްސް އާއި ހާޑްވެއާގެ އާލާތްތައް ވިއްކާތާ މިހާރު ވަނީ 60 އަހަރު ވެފަ އެވެ.
އެލިއާ ސްޓޯރުގެ ޕްރޮމޯޝަން ކުރިއަށް ގެންދާނީ އަންނަ މާޗް މަހުގެ 28 ވަނަ ދުވަހުގެ ނިޔަލަށެވެ. މި ޕްރޮމޯޝަނާ ގުޅޭ އިތުރު މައުލޫމާތު 3322835 އިން ލިބޭނެ އެވެ.