އިންޑިއާގެ އެންމެ މުއްސަނދި އެއް ސްޓޭޓްކަމަށްވާ މަހާރާޝްތުރާގެ ޑެޕިއުޓީ ޗީފްމިނިސްޓަރު އަޖިތު ޕަވަރު ދަތުރުކުރި މަތިންދާބޯޓު ވެއްޓި އޭނާ އާއި އިތުރު ބަޔަކު މަރުވެއްޖެ އެވެ
އިންޑިއާގެ ޑައިރެކްޓަރޭޓް ޖެނެރަލް އޮފް ސިވިލްއޭވިއޭޝަނާ ހަވާލާދީ ރޮއިޓާސް ބުނީ އަޖިތު ޕަވަރު މަރުވީ އޭނާ ޗާޓަރުކޮށްގެން ދަތުުކުރި މަތިންދާބޯޓެއްގައި އަލިފާން ރޯވެ، ވެއްޓުމުގެ ސަބަބުން ކަމަށާއި އެ ހާދިސާގައި އިތުރު ހަތަރު މީހަކު ވެސް މަރުވި ކަމަށެެވެ.
އަޖިތުގެ އިތުރުން އެ ހާދިސާގައި މަރުވި ހަތަރު މީހުންނަކީ އަޖިތު ޕަވަރުގެ ދެ މުވައްޒަފަކާއި މަތިންދާބޯޓް ކްރޫ އެވެ.
އަޖިތު ޕަވަރަކީ މަހާރާޝްތުރާ ސްޓޭޓްގެ ޑެޕިއުޓީ ޗީފްމިނިސްޓަރުކަން އެކި ފަހަރު މަތިން އެންމެ ދިގުމުއްދަތަކަށް ކުރި ލީޑަރެެވެ.
މަހާރާޝްތުރާގެ ޑެޕިއުޓީ ޗީފްމިނިސްޓަރުކަން އޭނާ މިފަހަރު ހޯދީ ބޮޑުބޭބެ ޝަރަދު ޕަވަރްގެ އެންސީޕީން ވަކިވެ، ވެރިކަންކުރާ ބާރަތިޔާ ޖަނަތާ ޕާޓީ (ބީޖޭޕީއާ) ގުޅި، މަހާރާޝްތުރާގައި ބީޖޭޕީގެ ސަރުކާރެއް އުފައްދަން ވާގިވެރިވެގެންނެވެ.
މަހާރާޝްތުރާ ސްޓޭޓްގެ ސަރަހައްދީ ޕާލަަމެންޓަށް އޭނާ އެންމެ ފުރަތަމަ އިންތިހާބުވީ 1991 ވަނަ އަހަރު އެވެ. އެފަހަރު އޭނާ އިސްތިއުފާދިނީ ބޮޑުބޭބެ ޝަރަދުޕަވަރަށް ފުރުސަތު ދިނުމަށެވެ. ޝަރަދު ޕަވަރަކީ އިންޑިއާގެ ޑިފެންސް މިނިސްޓަރުކަން ވެސް ކުރެއްވި ބޭފުޅެކެވެ.