މިއަހަރުގެ ރޯދަ މަހަށް ހާއްސަކޮށް އެލިއާއިން ހާއްސަ ޕްރޮމޯޝަނެއް ފަށައިފި އެވެ.
"އަބަދުވެސް ޔަމަހާ ރޯދަ ޕްރޮމޯ" ނަމުގައި ހިންގާ މި ޕްރޮމޯޝަނަކީ ޔަމަހާ ސައިކަލާއި އައުޓްބޯޑު އިންޖީނު އަދި ވޭވް ރަނާއަށް ހާއްސަކޮށް ފެށި ޕްރޮމޯޝަނެކެވެ.
އެ ޕްރޮމޯޝަނުގެ ދަށުން ސައިކަލުތަކަށް ހާއްސަކޮށް "ރިފަރަލް" ޕްރޮމޯޝަނެއް ވަނީ ފަށައިފަ އެވެ. އެ ޕްރޮމޯޝަނުގައި ސައިކަލު ގަންނަން ބޭނުންވާ ފަރާތެއްގެ ނަަން ހުށައަޅާ، އެ ފަރާތަކުން ސައިކަލު ގަނެ ނިމުމުން އެ ކަސްޓަމަރެއްގެ ނަން ހުށައެޅި ފަރާތަށް 1،500ރ. ގެ އެލިއާ ވައުޗަރެއް ލިބޭނެ އެވެ. އޭގެ އިތުރުން އެ ޕްރޮމޯޝަނުގެ ދަށުން އަލަށް ސައިކަލު ގަންނަ ކަސްޓަމަރުންނަށް ފުރަތަމަ ސާވިސް ހިލޭ ލިބޭނެ އެވެ.
އެ ޕްރޮމޯޝަނުގައި އެއް ފަހަރާ ފައިސާ ދައްކައިގެން ބައިވެރިވާ ކަސްޓަމަރުންނާއި އިންސްޓޯލްމަންޓު އުސޫލުން މަހުން މަހަށް ފައިސާ ދައްކާ އަގު ހަމަކުރާ ގޮތަށް ސައިކަލު ގަންނަ ކަސްޓަމަރުންނަށް ވެސް މި ޕްރޮމޯޝަނުގައި ބައިވެރިވެވޭނެ އެވެ.
އެލިއާގެ "އަބަދުވެސް ޔަމަހާ ރޯދަ ޕްރޮމޯޝަނު"ގައި ޔަމަހާގެ އެންމެ ކުޑަ ހޯސްޕަވަރުން ފެށިގެން އެންމެ މަތީ ހޯސްޕަވަތުގެ އައުޓްބޯޑު އިންޖީނުތަކަށް ބޮޑެތި ޑިސްކައުންޓުތަކެއް ލިބޭނެ އެވެ. އަދި 175 ހޯސްޕަވަރުން ދަށުގެ އިންޖީނުތަކަށް 24 މަސްދުވަހުގެ އިންސްޓޯލްމަންޓު މުއްދަތު ބަހާލެވޭނެ ލުއި ޕްލޭންތައް ލިބޭނެ އެވެެ.
އެލިއާގެ ޕްރޮމޯޝަނުގައި ހާއްސަ ލަކީޑްރޯއެއް ވެސް ކުރިއަށް ދާނެ އެވެ. އެ ލަކީޑްރޯއިން ހޮވޭ ނަސީބުވެރިއަކަށް އުމްރާ ދަތުރެއް ލިބޭނެ އެވެ. އެ ލަކީޑްރޯ ކުރިއަށް ދާނީ އަންނަ މާޗް މަހުގެ 26 ވަނަ ދުވަހުގެ ނިޔަލަށެވެ. އެ ލަކީޑްރޯގައި ޔަމަހާ ސައިކަލާއި އައުޓްބޯޑު އިންޖީނު އަދި ވޭވް ރަނާ ގަންނަ ފަރާތްތަކަށް އެ ލަކީޑްރޯގައި ބައިވެރިވެވޭނެ އެވެ.
އެ ލަކީޑްރޯގައި އަދި އުމްރާ ދަތުރުގެ ގުރުއަތުލުން މާޗް 28 ވަނަ ދުވަހު އެ ކުންފުނީގެ ސޯޝަލް މީޑިއާ ޕޭޖުތަކުގައި ކުރިއަށް ދާނެ އެވެ. އެލިއާގެ "އަބަދުވެސް ޔަމަހާ" ޕްރޮމޯޝަން ކުރިއަށް ދާނީ މާޗް 26 ވަނަ ދުވަހުގެ ނިޔަލަށެވެ.
އެލިއާގެ ޕްރޮމޯޝަނާއި ގުޅޭ އިތުރު މައުލޫމާތު 3009797 އިން ލިބޭނެ އެވެ.