ޔުނިވާސަލްގެ ހިއްސާ އޮތް ދެ ރިސޯޓެއް ވިއްކާލަން ނިންމައިފި އެވެ.
ކ. ފުރަނަފުއްޓާއި އއ.ފެސްދޫ އަކީ ޔުނިވާސަލްގެ އިތުރުން ދުނިޔޭގެ އެންމެ މަޝްހޫރު ހޮޓެލް ޗެއިން މެރިއޮޓްގެ ދަށުން ހިންގާ ކުންފުނި ސްޓާވުޑްގެ ހިއްސާ އޮތް ދެ ރިސޯޓެކެވެ. އެނގިފައިވާ ގޮތުގައި މި ދެ ރިސޯޓުވެސް ވިއްކާލަނީ އެމެރިކާގެ ކުންފުންޏަކަށެވެ.
ކ.ފުރަނަފުށީގައި މިހާރު ހިންގަނީ ޝެރެޓަން މޯލްޑިވްސް އިން ފުލްމޫންގެ ނަމުގައި ހިންގާ ރިސޯޓެވެ. އަދި އއ.ފެސްދޫގައި ހިންގަނީ ޑަބްލިއު މޯލްޑިވްސްގެ ނަމުގައި ހިންގާ ރިސޯޓެކެވެ.
ޓޫރިޒަމް މިނިސްޓްރީން ވަނީ މި ދެރަށުގެ ދަރަންޏެއް ނުވަތަ މައްސަލައެއް އޮތް ފަރާތެއް ވޭތޯ ބެލުމަށް އިއުލާނުކޮށްފަ އެވެ. އިއުލާނުގައި ބުނެފައިވާ ގޮތުގައި އެ ރަށާ ގުޅިގެން އެއްވެސް ދަރަންޏެއް ނުވަތަ މައްސަލައެއް އޮތްފަރާތެއްވާ ނަމަ މިއަދުން ފެށިގެން 14 ދުވަހުގެ ތެރޭގައި މިނިސްޓްރީއަށް ލިޔުމަކުން ނުވަތަ އީމެއިލް މެދުވެރިކޮށް އަންގަން ޖެހޭނެ އެވެ.