މާލެ: އޭޕްރިލް 6، 2019: ރައްޔިތުންގެ މަޖިލިސް އިންތިހާބުގައި ވޯޓު ގުނަން ފެށުން: ވޯޓު ގުނަމުން ދާ އިރު ވޯޓު ލާ މަރުކަޒުތަކަށް ޖާގަ އޮތްވަރަކުން މީހުންނަށް ވަދެވޭނެ ކަމަށް އިލެކްޝަންސް ކޮމިޝަނުން ބުނޭ. ވޯޓު ލުން ނިމި ފޮށިތައް ބަންދުކުރި އިރު ވޯޓު ލައިފައި ވަނީ 207،360 މީހުން. މިއީ ވޯޓު ލުމުގެ ހައްގު ލިބިފައިވާ މީހުންގެ 78.4 ޕަސެންޓް.

މާލެ: އޭޕްރިލް 6، 2019: ރައްޔިތުންގެ މަޖިލިސް އިންތިހާބުގައި ވޯޓުލުން ބަންދުކުރުން: ހައެއް ޖެހުމާ އެކު ވޯޓު ލުން ވަނީ ބަންދުވެފައި. ނަމަވެސް ބައެއް ފޮށިތައް ކައިރީގައި ހަދާފައި ހުރި މަދު ކިޔޫތަކުން މީހުން ހުސްވަންދެން ވޯޓު ލުމުގެ ފުރުސަތު ލިބޭނެ ކަމަށް ބުނޭ. މިހާތަނަށް 75 ޕަސެންޓް މީހުން ވޯޓު ލައިފައިވޭ. މި އިންތިހާބުގައި މިހާތަނަށް ދެ ލައްކަ މީހުން ވޯޓުލި. އެއީ 100،673 ފިރިހެނުންނާއި 99،791 އަންހެނުން. މި އިންތިހާބުގައި ވޯޓު ލުމުގެ ހައްގު ލިބިފައި ވަނީ 264،442 މީހުންނަށް.