ބޮލީވުޑްގެ ކާމިޔާބު ކޮމެޑީ ފްރެންޗައިޒް "ވެލްކަމް"ގެ ތިންވަނަ ފިލްމު "ވެލްކަމް ޓު ދަ ޖަންގަލް" ރިލީޒްކުރާ ތާރީހު އިއްޔެ އިއުލާންކޮށްފި އެވެ.
ފިލްމުގެ ޓީމުން އިއުލާންކުރި ގޮތުގައި، ވަރުގަދަ ކާސްޓަކާ އެކު ގެނެސްދޭ "ވެލްކަމް ޓު ދަ ޖަންގަލް" ރިލީޒްކުރަނީ އަންނަ ޖޫން މަހުގެ 26 ވަނަ ދުވަހު އެވެ.
އެ ފިލްމުގެ ލީޑް ރޯލުތައް ކުޅެނީ އަކްޝޭ ކުމާރު އާއި ސުނިލް ޝެޓީ އެވެ.
މުހިންމު ރޯލުތަކުން ޖެކީ ޝްރޮފް، ރަވީނާ ޓަންޑަން، ދިޝާ ޕަޓާނީ، ޖެކްލީން ފެނާންޑޭޒް، އަރުޝަދު ވަރްސީ، ޕަރޭޝް ރާވަލް، ރާޖްޕާލް ޔާދަވް، ޖޯނީ ލީވާ، އަފްތާބް ޝިވްދަސާނީ، ލާރާ ދައްތާ، ޝްރެޔަސް ތަލްޕަޅޭ، ތުޝާރު ކަޕޫރު، ދަލެރް މެހެންދީ، ފަރީދާ ޖަލާލް އަދި ކިކޫ ޝަރުދާ ފެންނާނެ އެވެ.
އަކްޝޭ އިންސްޓަގްރާމްގައި މިދިޔަ މަހު ކުރި ޕޯސްޓެއްގައި ވަނީ އެ ފިލްމުގެ ބައެއް މަންޒަރުތައް ފެންނަ ވީޑިއޯއެއް ހިއްސާކޮށްފަ އެވެ.
އެ ވީޑިއޯ އިން ފެންނަ ގޮތުގައި އަކްޝޭ މި ފިލްމުގައި ދެ ރޯލެއް ކުޅޭ ކަމަށް ބެލެވެ އެވެ. އެއީ ދިގު ނުރަ އިސްތަށިގަނޑަކާއި ތުނބުޅިއަކާ އެކު ފެންނަ މީހެއްގެ އިތުރުން، ސްޓައިލިޝް، އެކްޝަން މީހެއްގެ ރޯލަކުންނެވެ.
"ވެލްކަމް ޓު ދަ ޖަންގަލް"އަކީ އޭއޭ ނަޑިއާޑްވާލާ އާއި ސްޓާ ސްޓޫޑިއޯސް18 ގުޅިގެން އުފައްދާ ފިލްމެކެވެ.